Aiesec experience

Live the AIESEC Experience!
What makes AIESEC unique is the youth driven impactful experience that it offers to its members. AIESEC is run by youth for youth, enabling a strong experience to all stakeholders. An AIESEC experience includes being a part of a global learning environment, leadership opportunities and international internships.

Aesec internship is something you have to experience...

გინესის წიგნი 5 უცნაური რეკორდი

გინესების რეკორდების ყოველწლიური წიგნი პირველად 1955 წელს გამოჩნდა,თუმცა ამ წიგნის ისტორია მეთვრამეტე საუკუნიდან იწყება . მსოფლიოს უმარავი მცხოვრები ცდილობს გახდეს გინესის რეკორდსმენი და მისი სახელი ამ წიგნში შევიდეს, ამისთვის მრავალ უცნაურობას სჩადიან.
მაგალითები მრავლადაა;
რეკორდსმენი ძაღლი
2004 წლის 29 სექტემბერს აღმოაჩინეს ყველაზე გრძელი ყურების პატრონი მეძებარი ძაღლი,სახელად ტიგერი, მისი პატრონები, ბრაიან და კრისტინა ფლესნერები, ილინოისის შტატის ქალაქ სენტ–ჯოზეფში ცხოვრობენ. ძაღლის მარჯვენა ყურის სიგრძე 34,9, ხოლო მარცხენის – 34,2 სანტიმეტრს შეადგენს.

გველების პირით დაჭერა
2006 წლის 9 ნოემბერს, ამერიკელმა ჯეკი ბიბიმ, ყოველგვარი სხვათა დახმარების გარეშე შეძლო კუდით დაეჭირა 10 ჩხრიალა გველი,ეს პროცესი 10 წამი გაგრძელდა.

თვალის ამოგდება

1998 წლის 13 ივნისს,ამერიკელმა კიმ გუდმენმა სატელევიზიო შოუს მსვლელობის დროს ყველა გააოცა. მან საკუთარი თვალი 11 მილიმეტრის სიგრძეზე ამოიღო ბუდიდან.

ყველაზე გრძელი ფრჩხილები

მიჩიგანის შტატის ქალაქ პონტიაკის მცხოვრები,ფეიზელ ბუზი ფრჩხილებს 25 წლის მანძილზე არ იჭრიდა, რის შედეგადაც მისი 10 ფრჩხილის ჯამურმა სიგრძემ 931 სანტიმეტრი შეადგინა.

ქართული ფოტოს ისტორია

დღესდღეობით ფოტოგრაფია მსოფლიოში ხელოვნების ერთ-ერთი პოპულარული დარგია. ფოტოხელოვნების კურსები, ფოტოგრაფები,მოდელები ეს ყველაფერი საქართველოშიც ფესვგადგმულია, თუმცა აბსოლუტურად განსხვავდება,მაგალითად 19ე საუკუნის ქართული ფოტოხელოვნებისაგან.
დიმიტრი ნიკიტინი, ალექსანდრე როინიშვილი,ედუარდ კლარი- ეს ადამიანები მეცხრამეტე საუკუნეში მოღვაწეობდნენ, როგორც ფოტოგრაფიის ოსტატები და შეჰქმნეს ქართული ფოტოს ისტორია.
1893-1905 წლებში ,,ტფილისის ფოტოგრაფ-მოყვარულთა საზოგადოებაში” გაერთიანებული იყვნენ ფოტოგრაფიის დაინტერესებული პირები, მათი რიცხვი იმ დროისთვის დღითიდღე იზრდებოდა.მათი ერთ-ერთი მთავარი მიზანი იყო სურათების შეგროვება და შემდეგ გამოფენის მოწყობა.მათ ამ მიზნის მიღწევა მოახერხეს და შეძლეს მეცხრამეტე საუკუნის ქართული ფოტოგრაფიის მიღწევების ერთგვარი შეჯამება.
იმ დროისთვის როგორც პროფესიონალი,ისევე მოყვარული ფოტოგრაფების ნაშრომებში, ძირითადად ფიგურირებდა პორტრეტები,ოჯახური და არქიტექტურული ხასიათის ფოტოები.
1933 წ. შეიქმნა “საქართველოს ფოტო”, რომელშიც გაერთიანდნენ საუკეთესო ფოტოგრაფები. ეს გაერთიანება აქტიურ მონაწილეობას იღებდა საერთაშორისო კონკურსებში.
ძველი ქართული ფოტო დღემდე ასეთი სახით მოვიდა და თანამედროვე ფოტოხელოვნებას დაუთმო გზა.

გია დვალი და მისი კვლევები

ზოგისთვის ფიზიკა უბრალოდ სკოლაში ნასწავლი საგანია,ზოგისთვის სამყაროზე დროდადრო დაფიქრების საშუალება, ზოგი კი ამ სფეროში პროფესორია, სხვისთვის თეორიებს,თავად პრაქტიკად აქცევს და შეუძლია საკუთარი მიღწევებითა თუ კვლევებით სამყარო გააოცოს.
ქართველი ფიზიკის პროფესორი,გიორგი დვალი დაიბადა 1946 წელს,ქალაქ თბილისში. ის ცნობილია მისი მიღწევებით ფიზიკის სფეროში,არის პრაქტიკული ფიზიკის და კოსმოლოგიის ცენტრის წევრი, ნიუ-ორკის უნივერსიტეტში, უმუშავია მრავალ საერთაშორისო კვლევით ცენტრში. 15 წელზე მეტია, რაც ამერიკის შეერთებულ შტატებში,შვეიცარიასა და იტალიაში მოღვაწეობს.
მისი ჰიპოთეზები ძირითადად გრავიტაციას,სამყაროს მოწყობას,კვანტურ თეორიასა და დამატებითი განზომილებების აღმოჩენას შეეხება. ფიზიკოსები აცხადებენ,რომ მისი თეორიების ექსპერიმენტულად დამტკიცების შემთხვევაში,ახალ ფიზიკას დაუდება სათავე.
გია დვალი მიიჩნევს,რომ შესაძლებელია მოხდეს ნიუტონის მიზიდულობის კანონის მოდიფიცირება,ასევე თვლის,რომ არსებობს დამატებითი განზომილებების აღმოჩენის შესაძლებლობები,ამისთვის ის ჩართულია მთვარის მილიმეტრებამდე სიზუსტით გაზომვის პროცესში.

დისნეის სამყარო

სამი ქართული საიტი

ინტერნეტსივრცე ქართული მედიის ერთ-ერთი მნიშვნელოვანი ნაწილია. სხვადასხვა პოლიტიკური თუ გასართობი საიტების ვიზიტორებს შეუძლიათ მიიღონ მათთვის საინტერესო ინფორმაცია სწორედ ონლაინ რეჟიმში. გაჩნდა აზრიც რომ ხდება ტელევიზიის ინტერნეტით ჩანაცვლება.
გავეცანი სამ ქართულ საიტს: presa.ge. ambebi.ge და internet.ge.
სამივე მათგანი მოიცავს თითქმის ყველა სფეროს და ამ სფეროებში მომხდარ მოვლენებს.
presa.ge დიზაინი დაბალანსებულია,ინფორმაცია ხშირად განახლებადი. ძირითადი აქცენტი საზოგადოებრივ თემებზეა გაკეთებული: პოლიტიკა,ეკონომიკა,სპორტი,ხელოვნება... ატარებს ინფორმაციულ-შემეცნებით ხასიათს.საიტის სეგმენტად შეიძლება ჩაითვალოს 18 წლიდან და ზევით...
ambebi.ge დიზაინით ჰგავს presa.ge-ს, თუმცა ტოვებს უფრო მრავალფეროვნების შთაბეჭდილებას. შეინიშნება დიდი რაოდენობით რეკლამები. მოცემულია სტატიები და ახალი ამბები თითქმის ყველა მიმართულებით. სექტორი შეიძლება იყოს როგორც ცნობისმოყვარე თინეიჯერი,ასევე ჩამოყალიბებული საქმიანი ადამიანი. საიტზე დროდადრო ტარდება სხვადასხვა სახის გამოკითხვები. ერთ-ერთი ასეთი გამოკითხვის შედეგად გაირკვა რომ საიტის ძირითადი მომხმარებლები არიან 20დან 30წლამდე ასაკის ადამიანები.
internet.ge ასევე პოპულარული მოხმარების საიტი. სიახლეები ყველა თემასთან დაკავშირიბით: პოლიტიკა,რელიგია,ეკონომიკა,ბიზნესი,ამინდი თუ ვალუტა... ასევე გვხვდება გამოკითხვები სხვადასხვა აქტუალურ თემებთან დაკავშირებით.
სამივე სტატია ეხმიანება პოლიტიკურ მოვლენებს საქართველოსა და მის გარეთ. ბოლო ნიუსი რაც სამივე საიტზე დევს ეხება დაღესტანში განხორციელებულ ტერაქტს. presa.ge და internet.ge იყენებენ ინტერპრესნიუსის მასალებს და მათი სტატიები აბსოლუტურად იდენტურია. იგივე ინფორმაციას შეიცავს ambebi.ge-ს ნიუსი, თუმცა არის გადარედაქტირებული.

სამაგისტრო პროგრამები კავკასიის უნივერსიტეტის კავკასიის სმართლის სკოლაში

2008 წლის სექტემბრიდან კავკასიის სამართლის სკოლაში ამოქმედდა განახლებული სამაგისტრო პროგრამები სამართლის შემდეგ დარგებში:
• სამოქალაქო სამართალი
• კორპორაციული სამართალი
• საბანკო სადაზვევო სამართალიi
• საერტაშორისო სამართალი
• ადმინისტრაციულ-საგფადასახადო სამართალიi
• სიახლის სამართალი
• საერთაშორისო საჯარო სამართალი(ქართული-ინგლისური)
• ჯანდაცვის სამართალი
აღნიშნული სამაგისტრო პროგრამების სქემა ევროპულ მოდელზეა აგებული, თუმცა ადაპტირებულია ქართულ სამართლებრივ სინამდვილესთან.სამაგისტრო პროგრამების სტრუქტურა და სინაარსი შემდეგ პრინციპებს ეფუძნება:
• სპეციალიზაციის მაღალი ხარისხი
• საგნების მცირე რაოდენობა
• პრაქტიკაზე ორიენტირებული სწავლება
• მაღალ-პროფესიონალი პრაქტიკოსი ლექტორები
• პროგრამული მობილობა
• სტუდენტთა დასაქმების ხელშეწყობა
სამაგისტრო პროგრამაზე დაშვების წინაპირობას წარმოადგენს სამაგისტრო კომისიის მიერ თითოეული სამაგისტრო პროგრამის სპეციფიკის გათვალისწინებით შემუშავებული სამაგისტრო ტესტირებისა და გასაუბრების წარმატებით გავლა.
კავკასიის სამართლის სკოლის სამაგისტრო ტესტირებაზე დაშვების უფლება აქვთ სამართალმცოდნეობაში ან სამართალმცოდნეობასთან კომბინირებულ სხვა დარგსა ან საერთაშორისო სამართალში ბაკალავრის ხარისხის მქონე პრეტენდენტებს.
სხვა დარგის ბაკალავრის ხარისხის მქონე პრეტენდენტები სამაგისტრო ტესტირებაზე დაიშვებიან სამაგისტრო პროგრამისადმი რეველანტურ საგნებში საბაკალავრო კრედიტების დაგროვების შემთხვევაში.

რუსული სიატი ,,იმედის” იმიტირებული სიუჟეტის შესახებ

2010 წლის 13 მარტს ტელეიმედის ეთერში გასულ იმიტირებულ ,,ქრონიკას” ეხმაურება ერთ-ერთი რუსული სიატი. სტატიის სათაურში საქართველოს პრეზიდენტის სახელი ფიგურირებს: ,,საქართველოს პრეზიდენტი იმედის სიუჟეტს რეალისტურს უწოდებს”.
სტატია იწყება ცნობით,იმის შესახებ, რომ ქართული ოპოზიცია აღშფოთებულია ტელეკომპანია ,,იმედის” ქმედებით, ხოლო პრეზიდენტი ამ ფანტასტიკურ სიუჟეტს რეალისტურს უწოდებს. მოყვანილია ნაწყვეტები მიხეილ სააკაშვილის განცხადებიდან, სადაც ის ამბობს,რომ ეს სიუჟეტი რუსეთის რეალურ გეგმებს ასახავდა, თუმცა აღნიშნავს, რომ საჭირო იყო ტიტრირება, რადგან ეთერში გასული მალასა არასასიამოვნო იყო და ხალხი ძალიან შეშინდა.
მათთვის ვინც არ არის ინფორმირებული ამ საკითხთან დაკავშირებით,მოკლედ არის გადმოცემული მოვლენის შინაარსი და გამოყოფილია ფანჯარა,სადაც საიტის ვიზიტორებს შეუძლიათ ამ ყოველივეზე საკუთარი აზრი გამოხატონ.
სტატია ნაკლებად აგრესიულია და მიუხედავად რამდენიმე სარკაზმული გამონათქვამისა, ტოვებს შედარებით ობიექტურობის შთაბეჭდილებას. გაშუქებულია ფაქტები და არ აზრის გამოტანა მკითხველზეა მინდობილი.

ჩემს შესახებ

დავიბადე მზის და ვარდების ქალაქ თბილისში,1990წლის 4ივნისს,ზაფხულის მზიან დღეს. ბავშვობა საკმაოდ კარგი მქონდა,ყველას ძალიან ვუყვარდი რაც მთავარია. ჩემი ოჯახი ხუთი წევრისგან შედგება. სკოლის დამთავრების შემდეგ ჩავაბარე ილიას სახელმწიფო უნივერსიტეტში,ბიზნესის ადმინისტრირების(მენეჯმენტი) და ჟურნალისტიკის ფაკულტეტზე. საყვარელი საქმე კითხვა და წერაა. მიზნები საკმაოდ ამბიციური, თუმცა ჩემი მიზანდასახულობა ყოველთვის მეხმარება მათ მიღწევაში. ჩემს სუსტ მხარედ ვთვლი უზომო ემოციურობას, რაც შემდეგ ფსიქოლოგიურად მოქმდებს ადამიანზე და არცთუისე კარგი კუთხით. ვარ ძალიან კრეატიული და როგორც ამბობენ შემიძლია ადამიანებზე ძლიერი შთაბეჭდილების მოხდენა. რაც შეეხება მისწრაფებებს თითქმის არ დარჩენილა სფერო, რის მიმართაც ინტერესი არ გამჩენია. ვიყავი დაკავებული სამოდელო საქმით, ცეკვით, სამსახიობო ხელოვნებით და კიდევ ბევრი რამის უკეთ გაცნობის სურვილს და პოტენციალს ვგრძნობ. არ შემიძლია არ ავღნიშნო ჩემი ცხოვრების ერთი განსაკუთრებული პერიოდი -2009წლის 23 ნოემბრიდან 2010 წლის 8იანვრის ჩათვლით. ამ თვენახევარმა რადიკალურად შეცვალა ჩემი ცხოვრება. იღბლის თუ საკუთარი უნარების წყალობით მოვხვდი მსოფლიოში ერთ-ერთ ძალიან წარმატებულ ორგანიზაცია ,,Aiesec”,და გავემგზავრე სტაჟირების გაცვლით პროგრამით უკრაინაში. ვცხოვრობდი კიევში, აბსოლუტურად დამოუკიდებლად სხვა ქვეყნებიდან ჩამოსულ ახალგაზრდებთან ერთად. შემიძლია თამამად ვთქვა, რომ მივიღე დაუვიწყარი გამოცდილება, როგორც პროფესიულად, ისე პიროვნულად. ახლა ვიცი რომ შეუძლებელი არაფერია თუ არის მოტივაცია, ვიცი რომ მე ვარ დედამიწის მოქალაქე და ჩვენ ყველანი ერთნი ვართ. მსოფლიო ჩანს ძალიან დიდი, მაგრამ ამავე დროს ჩვენ ვცხოვრობთ ძალიან პატარა სახლში, რომელსაც დედამიწა ჰქვია.
სამომავლო გეგმებს რაც შეეხება დაზუსტებით ვერაფერს ვიტყვი რადგან საკამოდ არაპროგნოზირებადი ვარ.